BAN KUNUKU BAN PLANTA

MINISTERIO KONSERNÍ ENSEÑANSA, SIENSIA, KULTURA & DEPORTE

 

BAN KUNUKU BAN PLANTA

PUBLIKÁ RIBA 19 SÈPTÈMBER 2022

Siman di Kultura kombiná ku Siman di Akshon pa Metanan Sostenibel

 

Gobièrnu di Kòrsou ta presentá Siman di Kultura 2022, kargá ku aktividatnan pa pueblo di Kòrsou por disfrutá i siña mas di nos Kultura. E aña akí lo kombiná Siman di Kultura ku e promoshon di Metanan Sostenibel, e asina yamá Sustainable Development Goals (SDG’s).  Siman di Kultura ta di 25 di sèptèmber pa 2 di òktober. E tema di Siman di Kultura ta:

“Ban Kunuku ban Planta”.

Durante di selebrashon di Siman di Kultura, nos ta kontinuá ku e strategia pa konsientisá nos komunidat riba tópikonan ku ta stimulá bienestar pa pueblo di Kòrsou i e aña aki nos lo konsientisá riba e tema di plantamentu.

Minister di Enseñansa, Siensia Kultura i Deporte, sr. Sithree van Heydoorn ta preparando huntu ku Sektor di Kultura i Deporte aktividatnan pa skolnan, barionan for di Band’ariba te Band’abou pero tambe den Luna Blou. Tambe ta uni forsa ku e Komishon Nashonal ku ta promové implementashon di metanan sostenibel pa Kòrsou pa asina pone énfasis riba kultura i futuro. E motibu ku ta kombiná e Siman di Kultura ku e Siman di Akshon pa metanan sostenibel, ta pa e echo ku anualmente mundu i tambe na Kòrsou ta para ketu durante e luna di september riba e metanan pa desaroyo sostenibel. E diferente SDG-nan ta promové bientestar di hende, planeta, prosperidat i kultura ta kore manera un liña kòrá den e esfuerso pa logra e metanan aki.

Ku e tema “Ban Kunuku Ban Planta”, Gobièrnu di Kòrsou ta pone atenshon, riba e preokupashon ku tin den komunidat ku mester bin bèk ku plantamentu, kosecha i produkshon di nos mes kuminda. E nifikashon di “Ban Kunuku ban Planta” ta keda ehekutá tantu den su konsepto literal komo den su konsepto figurativo durante di e siman di kultura. Den su konteksto real nos ke logra sigui stimulá pueblo pa planta i kosechá pero tambe komementu salú. E dimenshon figurativo ta mas riba e área di e dimenshonnan di Bienestar pa nos presente i futuro, nos mester sigui stimulá nos pueblo pa nos kosecha un pueblo mas Sano, Salú i Sigur.

Pa fortifiká i promové e metanan sostenibel e komishon enkargá ku esaki lo promové durante di 23 pa 30 di sèptèmber 2022, aktividatnan manera entre otro webinarionan, training i tayernan. Esakinan ta  pa alsa e konsiensia i alsa e partisipashon aktivo di e pueblo di Kòrsou riba e diferente SDG-nan ku ta promové bienestar di hende, planeta i prosperidat.

Pa medio di e komunikado akí Gobièrnu di Kòrsou, ta invitá pueblo di Kòrsou kompletu pa partisipá aktivamente na “Siman di Kultura 2022” i siman di “Akshon pa Metanan Sostenibel”. Si bo ke mas informashon òf bo ke kompartí ku nos, bo programa pa ku Siman di Kultura 2022 i siman di Akshon pa “Metanan Sostenibel” por tuma kontakto ku nos na;

Share this page to Telegram

This site uses Akismet to reduce spam. Learn how your comment data is processed.

%d bloggers like this: