REPRESENTANTENAN DI DVG A ATENDE REUNION DI CARPHA DEN NOMBER DI GOBIERNO NA JAMAICA
Minister Dangui Oduber
REPRESENTANTENAN DI DVG A ATENDE REUNION DI CARPHA DEN NOMBER DI GOBIERNO NA JAMAICA
Oranjestad – Siman pasa riba diamars 13 y diaranson 14 di september 2022 a tuma diferente reunion pa sector di salud publico coordina pa Caribbean Public Health Agency (CARPHA) na Kingston, Jamaica.
Durante esaki e represenatantenan di Departemento di Salud Publico (DVG) a atende reunion anual dedica na control di criadero, malesanan cronico y comunicacion. Den comunicacion e reunion anual di Regional Health Communication Network (RHCN) diferente isla a wordo aserca pa duna presentacion di nan isla. Aruba sigur no a keda afo y seccion promocion di salud a duna un presentacion na e otro islanan den e area covid-19 y a comparti mensahenan di campañanan di Aruba y e progreso di e pais.
CARPHA kier logra cu cada isla como miembro, pa hunto duna otro sosten pa cresemento den promocion di salud y comunicacion den casonan di emergencia den futuro. E meta esencial pa educa representantenan, y duna otro ayudo tecnico pa asisiti den coordinacion y forma plannan den mobilisa cada isla como miembro. E reunionnan a finalisa cu e lansamento di “Caribbean moves initiative” na Emanicipation Park na Kingston.
Salud Publico lo sigui lucha den area di prevencion pa yuda nos comunidad mehora su estado di salud pa nos comunidad.