Pronóstiko di tempu pa Kòrsou i bisindario bálido te djaweps mainta 06:00 o.l., 22 di sèptèmber 2022.

 

 

Day:	Djárason	Djaweps	Djabièrnè	Djasabra	Djadumingu
	áwaseru ku welek ku bos aislá	áwaseru aislá	áwaseru plamá	áwaseru aislá	áwaseru aislá
Rain probability:	40%	20%	40%	20%	20%
High:	33ºC / 91ºF	32ºC / 90ºF	32ºC / 90ºF	33ºC / 91ºF	33ºC / 91ºF
Low:	26ºC / 79ºF	26ºC / 79ºF	25ºC / 77ºF	26ºC / 79ºF	26ºC / 79ºF
Sunrise time:	06:25	06:25	06:25	06:25	06:25
Sunset time:	18:32	18:32	18:31	18:30	18:30
Wave heigth (meters):	0.2 – 0.3	0.5 – 1	0.5 – 1	0.5 – 1	–

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 22 di sèptèmber 2022.
Kompilá: djarason 21 di sèptèmber 2022, 05:00 o.l. (09:00 UTC).

Tempu: Shelu ta por lo general parsialmente nublá ku chèns pa awa kai lokalmente.

Temperatura máksimo lo alkansá 33ºC i temperatura mínimo 26ºC.
Solo ta sali 06:25 i ta baha 18:32 o.l.

Bientu: For di un direkshon prinsipalmente ost, suak te moderá; forsa 1 te 3 (1 te 19 km/ora, 1 te 10 nudo). Posiblemente durante di áwaseru, ráfaga te basta fuerte; forsa 4 te 5 (20 te 39 km/ora, 11 te 21 nudo).

Situashon general: Orkan Fiona ta alehá di e parti nort di Laman Karibe miéntras ekstenshon di un preshon haltu ta move i drenta e region parti ost den Karibe. No opstante e pantaya di tempu aki, e ambiente atmosfériko ta kontinuá un poko instabil, di manera ku kresementu di algun nubia por laga awa kai riba parti di Kòrsou durante awe. Tambe tin indikashon ku e fluho di bientu por lo pronto lo sigui suak i de bes en kuando supla di un direkshon variá.

Kondishon di laman: Trankil te moderá ku altura di olanan entre 0.5 te 1.5 meter (2 te 5 pia).

Sistemanan tropikal signifikante: Orkan Fiona ta move den direkshon nort nortwèst i ta alehá di e parti nort di Karibe. Tormenta tropikal Gaston ta move den direkshon nort nortost, kedando asina riba laman habrí di Atlántiko Nort. E dos siklonnan aki no ta un menasa pa Kòrsou. Un ola tropikal riba sekshon wèst di Atlántiko Tropikal ta move den un direkshon generalmente wèst i e tin sierto potensial pa sigui intensifiká i desaroyá den un siklon durante e siguiente dianan. Departamento Meteorológiko Kòrsou ta sigui e desaroyo di e disturbio aki di aserka.

Fenómeno spesial: Ningun.

Perspektiva te djabierne mainta: Gradualmente mas nublá i posibilidat pa awa kai mas frekuente. Tambe bos por zona.

Meteorólogo: Abraham.