TÉKNIKONAN DI AQUALECTRA A LOGRA RESOLVÉ KASI TUR ‘STORING’ KOUSÁ PA MAL WER 

 

 

TÉKNIKONAN DI AQUALECTRA A LOGRA RESOLVÉ KASI TUR ‘STORING’ KOUSÁ PA MAL WER 

Willemstad 21 di sèptèmber 2022 – Téknikonan di Aqualectra a logra konektá koriente bèk pa kasi tur kas òf negoshi ku a keda sin koriente debí na tormenta ku a pasa riba Kòrsou djaluna último atardi. 

Na tur tabatin 442 ‘storing’ ku a keda kousá pa e tormenta. Pa djamars 21 di sèptèmber 8’or di mainta, Aqualectra a logra solushoná 394. E sobrá 48 storingnan lo keda atendé den trankurso di dia. 

Entretantu e yamadanan ku ta drenta via nos number di kontakto ku kliente, esta 0800 0135, tambe a bin normalisá i e liña ta alkansabel atrobe manera kustumber. Apesar di e retonan ku nos a konfrontá komo konsekuensia di e mal tempu, Aqualectra no a spar ningun esfuerso pa logra restourá konekshon pa klientenan ku a pèrdè koriente. 

 

Gerensha ta gradisí empleadonan di Aqualectra ku a traha dia i anochi pa por a logra normalisá e situashon. Aqualectra ke gradisí tambe komunidat pa e komprenshon i indulgensia. Nos ta sigui hasi nos máksimo esfuerso pa restablesé suministro di koriente kaminda esaki ta nesesario ainda.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: