A djòin World Cleanup Day pa di 7 aña konsekutivo: Digicel tambe ta kere den un Kòrsou mas limpi!

A djòin World Cleanup Day pa di 7 aña konsekutivo:

Digicel tambe ta kere den un Kòrsou mas limpi!

 

 

WILLEMSTAD: Esaki ta e di 7 aña konsekutivo ku Digicel ta duna su aporte na World Cleanup Day. Kòrsou tabata riba pia pa un kousa ku nos tur tin den komun: nos ke un isla mas limpi! Un grupo di empleado di Digicel a pone man na obra i limpia e área di Playa Canoa. Den pasado Digicel a yega di adoptá Rif, Brievengat, Pietermaai, Saliña, Sint Jacobs i Muizenberg tambe. 

 

Di akuerdo ku sifranan lokal, mas ku 3,400 boluntario a partisipá na e mainta di limpiesa repartí den vários sitio, rekohiendo míles di kilo di sushi. Digicel ta kontentu di por a forma parti di e movementu aki! Komo empresa Digicel ta sigui kumpli ku su responsabilidat sosial. Ta importante pa komo siudadano nos hasi e máksimo esfuerso pa tene Kòrsou limpi; e ta masha simpel, kuminsá na kas, den bario i besindario. Resistí e tentashon pa benta sushi pafó di outo, kantu di kaminda òf na nos playanan i krea lèntfil ilegal. Digicel ke konsientisá nos komunidat riba esaki, huntu nos ta logr’é! Ta felisitá tur boluntario i partikularmente e organisashon di Curacao Cleanup pa e bon trabou realisá e aña aki un biaha mas!