DEBI NA MAL TEMPU: A POSPONE BIG SHOT CONCERT TE 2 DI DESEMBER
DEBI NA MAL TEMPU:
A POSPONE BIG SHOT CONCERT TE 2 DI DESEMBER
WILLEMSTAD—Ku hopi entusiasmo e organisashon di Big Shot Concert a bin ta traha riba e edishon ku mester a tuma luga djasabra 8 di oktober, pero lamentablemente el a keda postpone te 2 di desember. E desishon aki a ser tuma despues ku e organisashon den oranan di ayera a tene kontakto ku sr Tariq Abraham kende a konseha nos ku ta miho pospone teniendo na kuenta ku e realidat di tempu I mirando echo ku e aktividat ta den aire liber djasabra awor. Komo funshonario di Servisio Meteorlogiko a duna balor na su konseho I disidi na pospone e evento. E organisashon a skohe te 2 di desember pa evita kualke sorpresa den e temporada di orkan ku ta kaba ofisialmente den luna di november. E aña aki ya ta 3 sistema tabata un menasa pa Korsou i pa evita kualke sorpresa mas den luna di oktober I november a opta pa bai 2 di desember. Komo organisashon responsabel nos a opta pa siguridat I trankilidat di tur esnan ku ya a kumpra nan karchi. E bon notisia ta ku ya e organisashon a atende ku tur e partisipantenan I tur a konfirma nan partisipashon pa 2 di desember. Pues e uniko kambio ku a surgi t’e fecha nobo. Tur karchi ta keda valido pa 2 di desember. Nos ta termina bisando e pueblo di Korsou pa kuida sperando ku un biaha mas e posibel daño ta mas minimo ku ta posibel. Ban keda konfia Dios pa pais Korsou. Nos solamente Korsou, sino hermananan Islanan di Boneiru i Aruba tambe.
