APLIKASHON PROGRESO DI E PROYEKTONAN MANERA AKORDÁ DEN E PROGRAMA DI GOBERNASHON

MINISTERIO KONSERNÍ ENSEÑANSA, SIENSIA, KULTURA & DEPORTE

 

APLIKASHON PROGRESO DI E PROYEKTONAN MANERA AKORDÁ DEN E PROGRAMA DI GOBERNASHON

PUBLIKÁ RIBA 24 ÒKTOBER 2022

Minister Sithree van Heydoorn a haña splikashon di informashon ku a keda yená den e aplikashon Dashboard pa monitoriá e desaroyo den Ministerio di ESKD

WILLEMSTAD – Den kuadro di progreso di tur aktividat di Ministerio di Enseñansa, Siensia, Kultura i Deporte (ESKD) huntu ku minister Sithree van Heydoorn ta pone tur informashon den un aplikashon (Dashboard) pa monitoriá e desaroyo di kada trayekto. Konforme e akuerdo i programa di gobernashon 2021-2025 esaki a keda palabrá pa tur ministerio yena nan informashon den e aplikashon ku ta keda ehekutá den estrecho koperashon ku Stichting Overheidsaccountantsbureau (SOAB).

Durante di vários siman intenso lidernan di vários trayekto den ministerio a yena e aplikashon ku informashon. E informashon a keda yená pa duna un bista di tur e aktividatnan di forma transparente i kla.Llidernan di vários trayektonan di enseñansa a presentá i duna amplio splikashon na Minister den e promé seshon aki.

Ta bai tene e seshonnan aki regularmente, kada kwartal pa monitoria progreso di kada un di e aktividatnan pa e temanan di Enseñansa, Siensia, Kultura i Deporte. Informashon di 49 trayekto a keda yená den e aplikashon (Dashboard) i por mira ku e trayektonan tin vários parti/proyekto ku ta hopi amplio i ta mustra riba e hecho ku mester sigui traha riba nos prosesonan interno pa optimalisashon di informashon den e ministerio. Mas informashon i datos di e trayekto aki lo keda publiká durante di e periodo ku ta bini.

Ku esaki Minister di ESKD sr. Sithree van Heydoorn ta traha konforme palabrashon dirigí riba resultadonan den su Ministerio i asina garantisá ku ta traha na adelanto di pais.

KOMUNIKASHON

**athunto riba e potrètnan por tuma nota di e reunion di Minister, lidernan di trayektonan i SOAB. Pa mas potrèt bishitá: potrèt Reunion

Share this page to Telegram

This site uses Akismet to reduce spam. Learn how your comment data is processed.

%d bloggers like this: