Mandatario i Parlamentario ta pretendé di ta traha via Facebook!

Mandatario i Parlamentario ta pretendé di ta traha via Facebook!

 

Riba ‘Facebook’ tin algun mandatario i parlamentario ku no tin nada di hasi, ku ta saka ‘fakenews’, ‘post’ pregunta i hasi akusashonanan falsu. Riba petishon di un periodista Partido Inovashon Nashonal, PIN,  a disisdí di konstestá e preguntanan di parlamentario sr. Thodé (MFK) i a disidí di probecha di manda nos preguntanan pa sr. Thodé i sr. Silvania ku a bula bin yud’e.

 

Preguntanan di sr. Thodé di MFK

 

1. Pregunta di sr. Thodé: Ta bou di kua minister a tuma Betrian na trabou pa mas ku 130 mil florin pa luna?

Error garafal: nunka a tuma Mr. Betrain na trabou. A tuma un kompania enkabesá pa Mr. Betrian, konsistiendo di un tim di hende, pa hasi e trabounan. MRT, e Ministerieel Regisseur en Toezichthouder, ta desishon di kabinete Pisas na 2017!  MFK kier a nombrá un konsultant ku’n presupeusto sin bòm, te ku gobernador mester a paré. Kabinet Ruggenaath si a pone un plafònt finansiero (top af) pa MRT i  su tim.

 

2. Pregunta di sr. Thodé: Ta bou di kua minister a soru pa CMC a haña 429 mion florin fia sin garantía ni tampoko nan a firma un karta di esaki?

Otro error garafal: debe di hospital na gobièrnu ta rekonosé día bieu den un dokumento formal (schuldbekentenis), kual suma ta kalkulá pa SOAB dor di un kolaborador aktual di Minister Silvania. Ta pará presis kuantu e debe ta, ki dia i kuantu ta paga, èts.

 

3. Pregunta di sr. Thodé: Ta bou di kua minister a permití ku a fia 103 mion florin di Vida Nova kontra un interés di 5 %.

Mas error: Sin fiansa di Vida Nova nos lo tin un edifiso di CMC para na mitar sin kaba i un Sehos ku no por a sigui duna servisio na nivel. E 5 porshento di interes ta basá riba e interés mínimo ku fondonan di penshun ta obligá pa mantené pa nan gastunan, ku ta 4 porshento.

 

4. Pregunta di sr. Thodé: Ta bou di kua minister a hipotheká e hospital ku awor no ta pueblo di Kòrsou ta doño mas di CMC?

Kontesta:  Na e HURISTA mr. Javier Silvania i na sr. Thodé ku ta bisa ku e sa lei. For di lès di lei na skol segundario muchanan ta siña ku duna un hipoteka no ta hasi e banko doño di e kas. FOEI!

 

5. Pregunta di sr. Thodé: Ta bou di kua minister a laga SVB (pueblo di Kòrsou) ta paga hyptheek di e fiansa di Vida Nova bank?

Mas error: Tur Semper SVB ta paga hospital tur luna pa e kuido di pashèntnan  ku ta sigurá na SVB. Hospital ta kubrí su kompromisonan ku e sèn ku e ta risibí aki. Pues fiansa tambe ku hospital tin ku paga nan ta paga for di e sèn aki.

 

AWÓ PREGUNTANAN DI SUZY RÖMER NA PARLAMENTARIO THODÉ

 

1. Pregunta di sra. Suzy Römer: No ta kabinete Pisas mes a manda SONA pa atendé purá purá ku e struktura di Holding HNO i su kompanianan di trabou, esta Hospital (CMC) i Vastgoed?

 

2. Pregunta di sra. Suzy Römer No ta dr. Caryl Monte ku a skibi e rapòrt pa baha gastu di salubridat pa Minister Römer mes ta un konsehero mayó riba área di salú aworaki i tambe pa diferente minister di Gobièrnu Pisas?

 

3. Pregunta di sra. Suzy Römer Dikon sr. Thodé ku sí ta den polítika leu promé ku 2014 no a splika e nobato Javier Silvania ku di 2014 pa2015 Suzy Römer a traha na Post NV, pa e komprondé ku ora e kompania Blue Factor a bai bankarota na 2017, ya Suzy Römer ta día bieu for di e kompania?

 

4. Pregunta di sra. Suzy Römer Ta bèrdat, manera kaya ta papia, ku MFK ta preparando pa subi prima di seguronan sosial pa pueblo?

 

5. Pregunta di sra. Suzy Römer: I finalmente, dikon minister Silvania no a sali bin yuda minister Cooper, meskos ku e la bula bai yuda sr. Thodé, ora ku e parlamentario sr. Low Martinez a bedei sr. Cooper pa no mòrs ku ne? Makaku kièrsa e sa kua palu e tin ku subi!