Detenshon pa ladronisia di vehíkulo i konfiskashon.

KOMUNIKADO DI PRENSA 503/2022
28 òktober 2022
Detenshon pa ladronisia di vehíkulo i konfiskashon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku ladronisia di un vehíkulo ku a tuma lugá dia
13 di òktober 2022 na Carawaraweg, tim di joyriding a detené un hòmber sospechoso.
Djabièrnè 28 di òktober 2022, alrededor di 13.30 di merdia, personal di tim di joyriding a
bai den área di Weg naar Fuik kaminda a señala un vehíkulo ku ta prosedente di e ladronisia
ariba menshoná.
Finalmente e Tim polisial a konfiská e vehíkulo i detené e hòmber sospechoso J.W.J., nasé
na Kòrsou di 19 aña di edat .
E investigashon den e kaso aki ta kontinuá.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.