TRABOUNAN RIBA HELMIN WIELS BOULEVARD TA START 14 DI NOVÈMBER

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

TRABOUNAN RIBA HELMIN WIELS BOULEVARD TA START 14 DI NOVÈMBER

PUBLIKÁ RIBA 28 ÒKTOBER 2022

Willemstad – Debí na un situashon ku ta reina aktualmente pa loke ta disponibilidat di asfalt, e trabounan di mantenshon di kaminda riba Helmin Wiels Boulevard lo kuminsa dia 14 di novèmber próksimo.

Anteriormente, a anunsiá ku esakinan mester a kuminsá djaluna dia 25 di òktober.

Debi na mal estado di e kaminda aki, OW lo laga hasi trabounan di mantenshon riba e karetera aki. Esaki ta forma parti di e proyekto ‘Life Extension’ ku Minister Cooper a anunsiá.

E trabounan aki ta partí den 2 fase:

  1. Via na banda robes (‘linkerrijstrook’)
  2. Via na banda drechi (‘rechterrijstrook’)

Lo kuminsa traha riba e via na banda robes, pa despues sigui ku esun na banda drechi. E trabou aki ta konsistí di raspa i kita asfalt bieu, i pone un kapa di asfalt nobo.

Kontratista Aliansa ta enkargá ku e ehekushon di e trabou aki i esaki lo tin un durashon di aproksimadamente 1 luna, kuminsando pues dia 14 di novèmber. Orarionan di trabou lo ta di 7or mainta pa 4or di atardi.

Tráfiko ku ta bini for di Yotin Kòrtá pa bai direkshon di e rotònde na parsassa lo keda aksesibel. Tráfiko ku ta bini di e rotònde parasassa ku mester pasa bai direkshon Yotin Kòrtá lo desviá via Oeralweg. Lo tin rutanan alternativo ku indikashon di barinan oraño.

OW huntu ku Aliansa ta hasi un apelashon na tur outomobilista pa kore ku koutela.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: