Minister Pietersz- Janga presente na St. Margaretha College na klousura di Siman di Buki pa Mucha

Minister Pietersz- Janga presente na St. Margaretha College na klousura di Siman di Buki pa Mucha

Willemstad – Nos ta na final di Siman di Buki pa Mucha 2022 i e tema di e aña aki ta ‘Bi-Ba-bèrdè. Den e kuadro aki Sint Margaretha College na Janwe a invitá Minister di GMN drs. Pietersz- Janga pa ta presente na e skol pa mira aktividatnan ku e skol a organisá pa promové lesamentu serka nan alumnonan. Tabata un mainta hopi plasentero kaminda Minister por a mira kon alumnonan ta ekspresá nan mes den aktuashon, kanto i baile. Minister Pietersz- Janga a keda risibí pa kabes di skol señora Giana Murray- Anasagasti.

Lesamentu ta masha importante pa desaroyo di un mucha i un pais. Tabata hopi bunita pa mira kon St. Margaretha College a laga alumnonan hasi uzo di nan kreatividat pa promové lesamentu. Por ehèmpel trahenan i atributonan ku a uza pa e presentashonnan a keda elaborá ku material resiklá. Di e forma aki e skol a promové lesamentu i alabes siña e muchanan apresiá medio ambiente. Banda di apresio pa medio ambiente, ta di sumo importansha pa nos stimulá nos yunan pa lesa buki pasobra lesamentu ta un bon medio pa stimulá desaroyo di un mucha.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: