Detenshon relashoná ku violensha relashonal i menasa.
KOMUNIKADO DI PRENSA 519 /2022
5 novèmber 2022
Detenshon relashoná ku violensha relashonal i menasa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 4 di novèmber 2022 alrededor di 19.55’or, Sentral di Polis a risibí informashon ku
na un kas den área di Seru Fortuna tin un hòmber den diskushon su pareha.
Na yegada di e unidat a topa ku un dama ku a deklará na polis ku durante di un diskushon
ku su pareha esaki lo a menas’é ku morto i manda un bòter den su direkshon.
Na e sitio a detené e hòmber sospechoso L.M.W., nasé na Kòrsou di 29 aña di edat,
relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
