Ban sigui promové lesamentu serka nos mucha i hóbennan

 

 

Partido Alternativa Real

Ban sigui promové lesamentu serka nos mucha i hóbennan

 

 

Lesamentu ta fundeshi pa un desaroyo fuerte serka nos muchanan. E téknika di lesamentu, pero tambe ku e mucha i hóben ta siña gusta lesa. Mas e esaki drenta den nos muchanan, mas avanse nos lo por mira den nan desaroyo akadémiko i personal.

 

Un gradesimentu enorme pa Biblioteka Nashonal Kòrsou pa organisashon di e ‘Siman di Ban Lesa’. Ku e proyekto aki BNK ta promové lesamentu serka mucha. Durante e siman di 31 di òktober pa 4 di novèmber por a tuma nota ku diferente skol i empresa a partisipá aktivamente.

 

Den maneho di pais, pa konstruí un pais kaminda ku siudadanonan ta partisipá aktivamente hasiendo uso di nan potensial máksimo, e proyektonan manera “Siman di Ban Lesa” ta sentral. Komo parlamentario mi ta kere ku esaki ta rekisitonan esensial pa fortifiká nos pais.

 

Ban sigui promové lesamentu dor di lesa ku frekuensia na kas, den famia i na aktividatnan banda di skol. Un biaha mas pabien i danki na tur organisashon ku a partisipá, tur maestro ku a duna nan aporte i tur boluntario ku a duna di nan tempu pa lesa ku nos muchanan.

Ana Maria Pauletta                       

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: