Philiarenske Gaari Starbucks su Barista Champion lo representá Kòrsou na Costa Rica

Philiarenske Gaari Starbucks su Barista Champion

lo representá Kòrsou na Costa Rica

 

WILLEMSTAD: Un strea den industria di kòfi ta preparando pa su debut internashonal, despues di a gana e Starbucks Barista Championship 2022 na Kòrsou. Philiarenske Gaari ta laborá na Starbucks Renaissance Mall, i resientemente e’la gana e kampionato nashonal, despues di a sobresalí riba tur nivel. Philiarenske a kuminsá traha na Starbucks na 2018 i ta un di e karanan popular i masha kerí na Starbucks.

 

“Komo un barista mi a siña mas di e trabou duru ku tin tras di kòfi, kual na su turno a hasi mi mas orguyoso di mi trabou. Partisipando na e kampionato lokal di barista mi siña masha hopi. For di dominio di mi nèrvionan i siña papia dilanti públiko te na krea maneranan nobo pa konektá ku hende. Esei enrealidat ta loke mas mi gusta di mi trabou: e konekshon ku bo ta krea ku hende. Por ehèmpel 5 aña pasá, riba mi promé dia di trabou na Starbucks mi a traha un kòfi pa un kliente, te dia di awe mi ta kòrda kon e kliente ei ta bebe su kòfi faborito. Tabata manera nos konosé otro pa años ya kaba. Te dia di awe, ainda mi ta traha su kòfi faborito kada bes ku e bishita nos.”

 

Vários barista a partisipá na e kompetensia e aña aki, demostrando nan abilidat den traha èsprèso (espresso shot pulling), kalentamentu apropiá di lechi (milk steaming), arte ku kòfi (latte art) i inovashon den bebida (beverage innovation). Di e manera aki demostrando tambe nan abilidat, konosementu i ekspertisio. Wanda Broeksema District Manager di Starbucks  pa Aruba i Kòrsou ta komentá ku huntu ku Philiarenske Gaari di Kòrsou, Elisabel Maduro di Aruba tambe lo partisipá. Esaki ta e promé kompetensia personal despues di e pandemia. E kompetensia di aña pasá a keda hasí virtualmente.”

Komo e Kampion na Kòrsou, Philiarenske Gaari awor lo pasa pa kompetí kontra di baristanan den region Latinoamérika i Caribe na e final di LAC Barista Championship- tur esaki ku e speransa di keda koroná komo e mihó barista den region! E final di LAC Barista Championship lo tuma lugá dianan 8 pa 10 di novèmber na Costa Rica na Hacienda Alsacia, e área agríkola di Starbucks i e sede di Agronomia Global situá na Poás, Volcano ménos di 1 ora for di San Jose, kapital di Costa Rica.

“E region LAC ta masha importante pa Starbucks su legado i su futuro, nos ta kontentu i entusiasmá pa host e evento históriko aki na Costa Rica i na nos Hacienda Alsacia,”asina Tom Ferguson, presidente di, Starbucks Latinoamérika i Caribe a komentá. “Miéntras nos ta selebrá nos 20 aniversario den region, nos ta mantené enfoke riba nos kompromiso i sosten na agrikultornan lokal di kòfi, nos partnernan den frèskòt bèrdè i e komunidatnan ku nos ta sirbi.”

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: