PROMÉ MINISTER GILMAR PISAS A HIBA UN KOMBERSASHON KU MINISTER JETTEN DI HULANDA

 

 

PROMÉ MINISTER GILMAR PISAS A HIBA UN KOMBERSASHON

KU MINISTER JETTEN DI HULANDA

 

Willemstad – Promé Minister Gilmar Pisas a hiba un kombersashon ku Minister di Klima i Energia di Hulanda dia 4 di novèmber 2022.

 

E kombersashon tabata tokante di kambio di klima i spesífikamente e konferensia di Nashonnan Uni relashoná ku kambio klimátiko, mihó konosi komo COP27.

Banda di Minister Jetten, tabata presente tambe den e kombersashon Promé Minister di St. Maarten Silveria Jacobs, Vise Promé Minister di Aruba Geoffrey Wever, Minister di Transporte, Integridad, Naturalesa, i  Asunto di Grandinan  Ursell Arends i Sekretario di Estado Alexandra van Huffelen.

 

Minister Jetten a pidi despensa di su parti di no a involví e tres otro paisnan den Reino mas trempan pa preparashonnan di konferensia di Nashonnan Uní COP27.

E la informá ku lo tin plan pa hasi esaki si pa e siguiente biaha.

 

Minister Jetten lo ke kolaborá mas tantu ku e paisnan den Reino riba e tópiko di klima. Promé Minister sr. Pisas a indiká ku Kòrsou tin problema di kapasidat i hende pa implementá e tratádonan. Komo paisnan chikí den Karibe ke mira mas fondo disponibel pa por implementá mas proyekto pa dil ku e konsekuensianan di klima.

 

E siguiente puntonan di akshon a keda palabrá:

  • Pa Kòrsou i Hulanda traha huntu riba proyekto konkreto riba e tópiko di klim;.
  • Minister Jetten lo papia ku su kolega minister di Relashonnan Eksterior Wopke Hoekstra pa duna mas aporte pa implementá e tratádonan internashonal tokante kambio di klima. Por ehempel e United Nations Framework Convention of Climate Change;
  • I pa organisá un konferensia di klima otro aña na Aruba.

 

E reunion a bai den un esfera hopi ameno.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: