PROMÉ MINISTER GILMAR PISAS A RISIBÍ E EMBAHADOR DI REINO NA REPÚBLIKA DI SANTO DOMINGO

PROMÉ MINISTER GILMAR PISAS A RISIBÍ E EMBAHADOR

DI REINO NA REPÚBLIKA DI SANTO DOMINGO

 

Willemstad – Promé Minister Gilmar Pisas a risibí e Embahador di Reino na Repúblika di Santo Domingo sr. Frank Keurhorst dia 7 di novèmber 2022.

 

E bishita aki tabata unu di kortesia kaminda Promé Minister sr. Pisas tabatin e oportunidat pa sera konosí ku e Embahador sr. Keurhorst i alabes toka algun tema.

Temanan ku a keda trata tabata entreotro Visa, kolaborashon i koperashon di parti di Embahada, ekonomia i MoU (Memorandum di Entedimentu) nan ku a keda será ku Repúblika di Santo Domingo.

 

E Embahador tabatin diferente kombersashon ku diferente otro Minister di Gabinete Pisas II i alabes otro instansianan manera KvK, Cinex, Curinde, CTB i CPA, e.o.

 

E kombersashon a tuma lugá den un ambiente hopi ameno.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: