Minister Pietersz- Janga a perkurá ku enfermeronan di promé liña di CMC ta risibí San Antonio

Minister Pietersz- Janga a perkurá ku enfermeronan di promé liña di CMC ta risibí San Antonio



Willemstad – Na inisio di e pandemia di COVID-19 e malesa a kobra bida di bastante di nos hendenan. Diariamente ambulansnan tabata kore vários biaha direkshon pa CMC pa hiba pashèntnan di COVID-19. Tabatin momentunan ku e grupo di mas grandi di pashènt den CMC tabata di COVID-19. Danki na e boluntat i e gran dedikashon di enfermeronan riba promé liña na CMC ku e kantidat di viktimanan a keda bou di kontròl. I tur esaki ku riesgo pa nan mes i nan famia.

Pa por sigui konta den futuro ku e gran servisio aki di nos enfermeronan di promé liña, Minister di GMN drs. Dorothy Pietersz- Janga huntu ku kabinete Pisas II  riba petishon di CBV, a perkurá ku nos frontliners nan ku ta traha hopi duru durante e pandemia di COVID-19 na CMC, tambe bini na remarke pa San Antonio di 1750 florin pa personal di zorg i ondersteuning komo muestra di sosten, gradisimentu i elogio pa e trabou. E trabou ku e enfermeronan aki a hasi no ta fasil i tabata bou di preshon hopi haltu. P’esei banda di e San Antonio, gobièrnu di Kòrsou kier a gradisí un biaha mas, tur enfermero di CMC ku a duna e gran aporte aki na nos komunidat.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: