AMAK ta informá riba:

NOMINASHON PA PREMIO EDGAR SUPRIANO 2022

 

 

WILLEMSTAD – Relashoná ku e proseso pa nominashon di e nominadonan pa loke ta trata e Premio Edgar Supriano  2022, Direktiva di AMAK ta informá  lo siguiente:

E siman aki a sali un link kaminda representantenan di medionan di komunikashon, músikonan i tur ku tin di haber ku farándula di Kòrsou, por partisipá i duna nan opinion ken lo ta e artista nan i / o banda nan ku lo mester wòrdu nominá pa Premio Edgar Supriano  2022.

E sistema aki ta unu será, kaminda e.o. na momentu ku un hende partisipá mas ku un biaha, ta sa mes ora i lo eliminá esaki. E periodo di evaluashon pa e premio ya menshoná, ta kore di 1 di Novèmber 2021 pa 1 di Novèmber 2022.

Banda di esaki, na momentu ku e votashon sera diabièrnè dia 11 di novèmber awor, e resultadonan lo bai den man di un komishon imparsial ku lo  repasá, evaluá i yega na e nominadonan definitivo.

Pa dia 16 di Novèmber, AMAK lo anunsiá e lista di e diferente nominadonan. Djamars dia 22 di Novèmber AMAK lo  anunsiá ganador di e diferente kategorianan pa ku Premio Edgar Supriano 2022, ku ta riba Dia di Músiko.