PROMÉ GRUPO DI PERSONAL DI SDKK A KUMINSÁ KU PROGRAMA DI TWINNING NA BONEIRU

MINISTERIO KONSERNÍ HUSTISIA

 

PROMÉ GRUPO DI PERSONAL DI SDKK A KUMINSÁ KU PROGRAMA DI TWINNING NA BONEIRU

PUBLIKÁ RIBA 09 NOVÈMBER 2022

WILLEMSTAD / KRALENDIJK – Resientemente e promé grupo di personal di Sentro di Detenshon i Korekshon Kòrsou (SDKK) a kuminsá ku e programa di twinning na Boneiru. Twinning ta un programa di interkambio di kual kolaboradónan di e diferente prizònnan den parti Karibense ta interkambiá konosementu i eksperensia ku otro.

Na komienso di e aña akí a skohe e prizòn di Boneiru JICN komo sentro di konosementu pa e interkambio akí, komo ku e ta e prizòn modelo pa ku proyekto i métodonan ku tin na vários prizònnan den region. Durante e interkambio lo bai kompartí konosementu i eksperensia tokante re-integrashon, trayektonan di traha i siña na detenidonan i hopi mas. Ta spera ku e interkambio akí ku personal di SDKK lo dura te ku medio desèmber.

Riba kombinashon di potrèt por mira direktor suplente sr. Richenald Ricardo i hefe di detenshon sr. Ludwin Maria ku personal di SDKK promé ku nan a sali pa Boneiru. Tambe por mira e delegashon di SDKK huntu ku hefe di departamentu di JICN na Boneiru.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: