Pronóstiko di tempu pa Kòrsou i bisindario bálido te djamars mainta 06:00 o.l., 15 di novèmber 2022.

 

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 15 di novèmber 2022.
Kompilá: 
djaluna 14 di novèmber 2022, 05:00 o.l. (09:00 UTC).

Tempu: : Shelu ta por lo general parsialmente nublá durante di dia, de bes en kuando nubianan lo oumentá awe mainta i trese un òf mas momentu di yobida pasahero riba partinan di Kòrsou.

Temperatura máksimo lo alkansá 29ºC i temperatura mínimo 24ºC.
Solo ta sali 06:33 i ta baha 18:07 o.l.

Bientu: Direkshon por lo general ost i moderá; forsa 3 te 4 (12 te 30 km/ora, 4 te 16 nudo). 

Situashon general: E situashon atmosfériko aktual lo limitá desaroyo di nubianan signifikante riba nos region. Apesar di esaki, awe mainta ta antisipá temporalmente un oumento di humedat na e nivel nan mas abou di atmósfera. Esaki, lo sòru pa algu mas di nubia pasa riba nos área, for di kua por kai un áwaseru pasahero. Mas aleu, e humedat na e nivelnan mas abou di atmósfera ta sigui relativamente haltu den nos área ku un fluho di airu por lo general moderá for di ost. Esaki na su bùrt lo permití awa sigui kai riba i rondó di Kòrsou durante e dianan benidero. Tambe, modelonan ta duna indikashon ku bientu lo oumentá den e próksimo dianan.

Kondishon di laman:
 Trankil te moderá ku altura di olanan entre 0.5 i 1 meter (2 pa 4 pia).

Sistemanan signifikante di wer tropikal: 
Ningun.

Fenómeno spesial: 
Ningun.

Perspektiva te djárason mainta:  Nubianan ku aktividat di áwaseru lo kontinuá, ounke e intensidat lo mengua gradualmente.

Meteorólogo: Correa

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: