TORNEO ABCS LO TUMA LUGÁ AKI NA KÒRSOU DIANAN 24, 25 I 26 DI NOVÈMBER 2022!

TORNEO ABCS LO TUMA LUGÁ AKI NA KÒRSOU

DIANAN 24, 25 I 26 DI NOVÈMBER 2022!

 

 

Despues ku aña pasá Torneo ABCS a keda organisá despues di basta tempu, e aña aki tambe lo tin e torneo aki ku lo konta ku partisipashon di Aruba, Boneiru, Kòrsou i Sürnam. Meta di e torneo aki ta pa e timnan di Aruba, Boneiru, Kòrsou i Sürnam kompetí ku otro pa midi e nivel deportivo i alabes fortifiká e lasonan di amistat i fraternidat entre e pais i islanan. FFK ke krea un ambiente deportivo i sano di moda ku nos hóbennan por desaroyá nan talento futbolístiko i asina por ta kompetitivo riba nivel nashonal i prinsipalmente riba nivel internashonal.

 

Pa hasi e torneo aki aun mas grandi FFK a yega na e desishon pa inkluí su selekshonnan hubenil tambe den e torneo ABCS. Pues e aña aki Torneo ABCS lo tin partidonan di nos selekshonnan hubenil kategoria U-9, U-11 i U-13 ku lo enfrentá Boneiru miéntras nos selekshon senior lo enfrenta Aruba, Boneiru i Sürnam. Tambe lo tin un partido femenino ku lo ta e revancha di e damanan kaminda Selekshon Pariba lo topa Selekshon Pabou un biaha mas.

 

For di djaluna 21 di novèmber, e ekiponan ku ta partisipá na e torneo aki lo kuminsá yega Kòrsou pa sigui ku e preparashonnan pa nan kompromisonan.

Nos selekshonnan hubenil ya tin algun siman ta preparando miéntras nos selekshon maskulino senior a kuminsá entrená djaráson anochi pa saka kara di Kòrsou.

 

Skema di Torneo ABCS;

 

Fecha Ora Kategoria Tim di kas Bishitante Tereno
24-11-2022 19:00 Senior Sürnam Boneiru (A)  

 

 

 

 

Stadion Rignaal

‘Jean’ Francisca

 

 

 

 

 

24-11-2022 21:00 Senior Kòrsou Aruba (B)
         
25-11-2022 16:30 U-9 Kòrsou Boneiru
25-11-2022 17:45 U-11 Kòrsou Boneiru
25-11-2022 19:15 U-13 Kòrsou Boneiru
25-11-2022 21:00 Dama Sel. Pariba Sel. Pabou
         
26-11-2022 11:00 U-9 Kòrsou Boneiru
26-11-2022 12:15 U-11 Kòrsou Boneiru
26-11-2022 14:00 U-13 Kòrsou Boneiru
26-11-2022 19:00 Senior Pèrdèdó A Pèrdèdó B
26-11-2022 21:00 Senior Ganadó A Ganadó B

 

 

Riba e promé dia di e torneo tur pais lo hunga kontra otro i sosegá e siguiente dia. Dia 26 di novèmber, riba e delaster fecha di e torneo lo tin e partidonan final entre e ekiponan pèrdèdó pa hunga pa e terser i di 4 lugá i mas despues lo tin e enkuentro entre ekiponan ganadó di e promé wega p’asina saka e kampion di Torneo ABCS 2022.

E ekiponan hubenil tambe lo hunga 2 bia kontra otro durante wikènt i tur partisipante lo risibí un medaya di partisipashon.

Djabièrnè lo tin e revancha entre Selekshon Pariba i Selekshon Pabou di nos damanan.

 

Pues e siman di 24 pa 26 di novèmber próksimo lo tin algun tremendo partido ku bishita di Aruba, Boneiru i Sürnam aki na Kòrsou durante Torneo ABCS 2022!

 

Keda pendiente pa mas informashon…

 

13 novèmber 2022

Share this page to Telegram

This site uses Akismet to reduce spam. Learn how your comment data is processed.

%d bloggers like this: