NOS SELEKSHON NASHONAL FEMENINO U-14 TA TERMINÁ NA TERSER PUESTO DI GRUPO C DURANTE E CFU GIRL’S U-14 CHALLENGE SERIES!

Awe ‘nochi nos selekshon nashonal femenino U-14 lo regresá Kòrsou despues di nan partisipashon na e 2023 CFU Girl’s U-14 Challenge Series ku a tuma lugá na Antigua & Barbuda di 18 pa 27 di ougùstùs 2023.

 

Nos selekshon femenino U-14 a logra 2 empate, un derota i un viktoria durante e torneo aki ku a akumulá un total di 5 punto. Ku e resultado aki nos a terminá komo number 3 di nos grupo i no a logra klasifiká pa e partidonan final.

Apesar di esaki nos ta sumamente orguyoso di nos selekshon ku a sa di bende su kueru karo i a lucha tur ku tin pa saka nos kara aya na Antigua & Barbuda.

 

Resultado liga 2 grupo C:

 

	Fecha	Resultado	Tim di kas	Bishitante	Stadion
1	18-8-2023	0-0	Kòrsou	Guadeloupe	ABFA Technical Centre 1
2	20-8-2023	0-0	Kòrsou	St. Lucia	ABFA Technical Centre 1
3	22-8-2023	2-0	Martinique	Kòrsou	ABFA Technical Centre 1
4	23-8-2023	0-2	St. Kitts & Nevis	Kòrsou	ABFA Technical Centre 2

 

Tabla di posishon liga 2 grupo C:

 

Puesto	Ekipo	WG	WE	WP	Punto
1	Guadeloupe	3	1	0	10
2	Martinique	2	0	1	6
3	Kòrsou	1	2	1	5
4	St. Lucia	1	1	1	4
5	St. Kitts & Nevis	0	0	4	0

 

 

FFK ta gradisí nos selekshon nashonal femenino kategoria U-14 pa e bon trabou ku nan a sa di hasi durante e 2023 CFU Girl’s U-14 Challenge Series.

Danki na nos hungadónan, nos staf, nos mayornan i tur ku di un òf otro manera a duna un man na nos selekshon.

Kòrsou ta orguyoso di bo so!

 

24 ougùstùs 2023