PREPARASHONNAN TA KONTINUÁ PA E 2023 CONCACAF WOMEN’S UNDER-17 CHAMPIONSHIP KU LO TUMA LUGÁ DI 26 PA 30 DI OUGÙSTÙS! NOS REFUERSONAN TA NA KÒRSOU!

PREPARASHONNAN TA KONTINUÁ PA E 2023 CONCACAF WOMEN’S UNDER-17 CHAMPIONSHIP KU LO TUMA LUGÁ DI 26 PA 30 DI OUGÙSTÙS!

NOS REFUERSONAN TA NA KÒRSOU!

 

 

Tiki tiki pero sigur e ora 0 ta yegando kaminda nos selekshon femenino kategoria U-17 lo ta den akshon di 26 pa 30 di ougùstùs kompitiendo den e partidonan di kualifikashon pa e 2023 CONCACAF Women’s Under-17 Championship. Nos selekshon ta konsistí di un grupo di 15 hungadó lokal ku tin vários siman den preparashon i tambe 5 hungadó di Hulanda ku a bin reforsá nos selekshon.

 

Nos 5 refuersonan a pisa suela di Kòrsou pa kontinuá ku e preparashonnan pa nos partido di djasabra binidero. Ta trata aki di Kyara Bernadina ku ta militá den FC Skillz, Naychelene Nisia ku ta den Excelcior, Diangely’s Strijdhaftig di FC Skillz, Reyshelenne Gerard ku ta hungadó di Sparta AV i Sienna van Rij ku tambe ta militá den FC Skillz. 5 hungadó ku sigur lo duna un man pa fortalesé nos selekshon durante e torneo aki.

 

Preparashonnan ta kontinuá den gran forma pa nos selekshon femenino kategoria U-17 duna tur ku tin durante nos partidonan di kualifikashon pa e 2023 CONCACAF Women’s Under-17 Championship ku ta inisiá djasabra aki den Stadion Rignaal ‘Jean’ Francisca.

 

Pueblo di Kòrsou kompletu ta keda kordialmente invitá pa bin disfrutá di algun tremendo partido i mira nos damanan den akshon, kòrda ku tur partido ta grátis!

 

24 ougùstùs 2023