DELEGASHON DI KÒRSOU TA PARTISIPÁ NA TAYER TOKANTE KOMUNIKASHON I KRISIS SIBERNÉTIKO REGIONAL
MINISTERIO KONSERNÍ TRÁFIKO, TRANSPORTE I PLANIFIKASHON URBANO
DELEGASHON DI KÒRSOU TA PARTISIPÁ NA TAYER TOKANTE KOMUNIKASHON I KRISIS SIBERNÉTIKO REGIONAL
PUBLIKÁ RIBA 17 NOVÈMBER 2022
Willemstad – Riba 16 di novèmber, un delegashon di Kòrsou a partisipá na un tayer regional interaktivo tokante komunikashon i krisis sibernétiko. E delegashon tabata konsistí di Sr. Dwigno Puriel, Sekretario General di VVRP, Sra. Islelly Pikerie, Hefe di Gabinete di Minister Cooper, Sr. Rodriguez di Kuerpo Polisial, i Sr. Haile di Interpol. Esaki ta den kuadro di e siman sibernétiko di LAC4 ku ta tumando lugá na Santo Domingo.
Durante di e tayer aki, diferente orador a splika varios aspekto di e importansia di komunikashon durante un krisis sibernétiko.
A trata entre otro topikonan manera:
– mal uso di informashon den e mundu moderno di komunikashon,
– aspektonan fundamental di komunikashon durante un krisis,
– aspektonan fundamental di komunikashon di un krisis sibernetiko,
– kon pa maneha krisisnan sibernetiko.
Na final di e tayer, a diskutí den grupo tokante e mal uso di e informashon i kon por atendé ku esaki.
