KOMUNIKADO DI PRENSA 545/2022
19 novèmber 2022

Detenshon pa intento di asesinato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 18 di novèmber 2022, alrededor di 19.04’or, Sentral di Polis a dirigí un unidat
polisial den área di Souax pa un kaso di intento di asesinato.
Na yegada di e unidat a topa ku un hòmber ku a deklará na polis ku un ratu promé e tabatin
diskushon ku un hòmber i esaki lo a dal’é ku un vehíkulo intenshonalmente.
E víktima haña leshon na su man i tabata keha di dolor na su hep.
Den área di kaya Kruzeiro polis a detené e hòmber sospechoso R.Z.I.Z., nasé na Kòrsou di
33 aña di edat, relashoná ku e kaso di intento di asesinato ariba menshoná.
A Konfiská e vehíkulo pa mas investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon