KOMUNIKADO DI PRENSA 546/2022
19 novèmber 2022

Dos detenshon pa violashon di lei di arma di kandela i konfiskashon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 18 di novèmber 2022 alrededor di 15.30’or, Sentral di Polis a risibí notifikashon
ku na altura di parada di bus na Waaigat lo tin un bringamentu.
For di e investigashon na e sitio polis a haña i konfiská un arma di kandela.
Na e sitio polis a hasi detenshon di dos hòmber sospechoso:
Ta trata di:
 R.L.M.C.E., di 20 aña di edat i nasé na Kòrsou.
 Q.E.C., di 14 aña di edat i nasé na Kòrsou.
Despues di interogashon a laga e hòben Q.E.C., den libertad.
A presentá R.L.M.C.E., dilanti di un fiskal ouksiliar ku a ordená su enkarselamentu
pendiente di mas investigashon.