MINISTER COOPER TA RISIBÍ PLAN SELEBRASHON 25 AÑA WILLEMSTAD KOMO PATRIMONIO MUNDIAL

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

MINISTER COOPER TA RISIBÍ PLAN SELEBRASHON 25 AÑA WILLEMSTAD KOMO PATRIMONIO MUNDIAL

PUBLIKÁ RIBA 21 NOVÈMBER 2022

Willemstad – Riba djaluna 21 di novèmber, Minister Charles Cooper a risibí e plan di selebrashon di 25 aña Willemstad komo patrimonio mundial, rekonosé pa UNESCO. E tim organisadó a hasi entrega di e plan aki na Minister Cooper.

E selebrashonnan lo tuma lugá durante henter e siman di 28 di novèmber pa finalisá dia 4 di desèmber. Por bishitá e página di facebook Willemstad 25 pa tur detaye.

Manera ta konosí, dia 4 di desèmber, Willemstad ta selebrá 25 aña komo patrimonio mundial. Den kuadro di esaki, diferente aktor importante den nos komunidat a bini huntu pa selebrá e gran logro aki. Un danki di antemano ta bai pa Ministerio di Tráfiko, Transporte i Planifikashon Urbano, Ministerio di Desaroyo Ekonómiko, Ministerio di Enseñansa, Siensia, Kultura, i Deporte, Road 2 Plaza, Unesco Curaçao, Fundashon Pro Monumento, Monumentenzorg Curaçao, Curaçao Tourist Board, Pietermaai District Curaçao, Punda Loves You, i Stichting Monumentenfonds Curaçao.

Minister Charles Cooper tambe lo selebrá huntu ku henter pueblo di Kòrsou durante e siman entrante.

Share this page to Telegram

This site uses Akismet to reduce spam. Learn how your comment data is processed.

%d bloggers like this: