MINISTER COOPER TA HASI ENTREGA DI PÈRMIT DI KONSTRUKSHON NA RESIDENZA ARIA

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

MINISTER COOPER TA HASI ENTREGA DI PÈRMIT DI KONSTRUKSHON NA RESIDENZA ARIA

PUBLIKÁ RIBA 22 NOVÈMBER 2022

Willemstad – Minister Charles Cooper huntu ku Servisio pa Planifikashon Urbano (ROP) a hasi entrega di pèrmit di konstrukshon na Residenza ARIA, pa konstrukshon di un kompleho di apartamènt masha luhoso. Esaki lo ta un invershon total di 13 mion florin i konstrukshon ta kuminsá na yanüari 2023.

Residenza ARIA ta ubiká na Lyraweg den área di Girouette. Esaki segun nos EOP ta stipulá,  ta un área destiná pa bibienda. Lo konstruí pronto 19 apartamènt luhoso. Lo traha e apartamèntnan aki ku material di kalidat haltu ku lo ta ubiká na un sitio bunita i masha gustá di Kòrsou. E apartamèntnan aki lo tin un bista bunidat di e área di e pisina i e paisahe kreá, mirando ku e ta situá na un parti mas haltu i lo por mira nos isla tambe. E grandura di e apartamèntnan aki ta varia entre 2 te ku 4 kamber, i lo tin 3 ‘penthouse’ grandi i impreshonante. Bohorquez Architecten a bin ku un diseño uniko i moderno aki.

E desaroyo aki ta aportá na halsa e kalidat di bibienda den e área. Konstrukshon ta kontribuí outomátikamente na impulso ekonómiko pa Kòrsou, i e ta duna un impulso na ekonomia dor di kupo di trabou na momento di e konstrukshon, mantenshon i desaroyo.

Minister Charles Cooper ta hopi kontentu ku e proyekto aki i ku ta diversifiká e área di Girouette i ta ofresé mas opshon di bibienda.

Pa informashon general tokante e proyekto aki por tuma kontakto via di facebook pagina di Rezidenza ARIA. Tambe por manda, email info@azureproperties.net, Whats app na number di telefòn +5999511-7001.

             

Share this page to Telegram

This site uses Akismet to reduce spam. Learn how your comment data is processed.

%d bloggers like this: