Hóbennan a interkambiá riba fondonan di Union Oropeo.

Hóbennan a interkambiá riba fondonan di Union Oropeo.

 

Willemstad – Resien a tuma lugá e di 4 edishon di EU Funds Week. Durante e siman di 7 pa 11 di novèmber, EU-Desk Curaçao ku ta organisadó di e evento, tabata anfitrion di diferente webinar relashoná ku e tema di fondonan di Union Oropeo i e diferente prosesonan pa por apliká pa e fondonan aki. E aña aki a introdusí e konsepto nobo di “Youth Space”. E “Youth Space” a ser diseñá pa informá hóbennan tokante di fondonan spesífikamente destiná pa hóben. Alabes hóbennan ku ya a hasi uso di e fondonan Europeo a  kompartí informashon i nan eksperensia.

 

Minister di SOAW, Ruthmilda Larmonie-Cecilia a hasi apertura ofisial di e “Youth Space”. Durante su diskurso el a pone énfasis riba e echo ku ta krusial pa organisá eventonan spesífikamente pa hóben, pasó hóbennan ta nos futuro i ta importante pa nan ta konsiente di tur oportunidat ku nan por probechá di dje pa asina por tin un karera eksitoso. Minister a elaborá tambe riba e echo ku mester informá hóbennan di un manera direkto i ku ta adaptá na nan nesesidatnan.

 

Durante e webinar tabatin presentashon di diferente persona i entidat ku por a duna nos hóbennan informashon tokante e fondonan Europeo. Maikel de Reuver, ku ta representá Erasmusplus Jeugd a splika tokante posibilidatnan pa proyektonan pa hóben den kuadro di e programa di Erasmus Plus. Tambe e hóben Karim Saab a duna un presentashon tokante e proyekto yamá “Finanserio” kual ta un grupo di hóben di Kòrsou ku ta promové “financial literacy” bou di hóbennan. Hóbennan a risibí tambe informashon tokante e programa “Star of Europe” ku ta un programa edukashonal ku ta kapasitá hóben pa asina nan por apliká i ta enbolbí den proyektonan relashoná ku fondonan Europeo. Finalmente e hóben studiantenan Richantely Anita i Veronica Pichardo a kompartí nan eksperensia ku Erasmusplus pa medio di un presentashon hopi informativo i tambe un “vlog” ku a enkapsulá e eksperensia.

 

E konsepto nobo di “Youth Space” a keda mashá gustá pa e hóbennan partisipante i p’esei e lo bira un parti permanente di EU Funds Week den e siguiente edishonnan organisá pa EU-desk Curaçao.

Share this page to Telegram

This site uses Akismet to reduce spam. Learn how your comment data is processed.

%d bloggers like this: