The Cutie Kids lo bai partisipa den Karnaval Hubenil 2023 den un bachi nobo………

The Cutie Kids lo bai partisipa den Karnaval Hubenil 2023 den un bachi nobo………

Despues di dos aña di pandemia e grupo di karnaval “The Cutie Kids” no ta eksistí mas. The Cutie Kids
tabata un grupo ku a kosecha logro nan grandi den e marcha nan anterior. Asina nos a bai ku premio
di grupo di aña Karnaval Hubenil 2019
Meskos ku nos a konosé un normal nobo asina tambe e grupo a bisti un bachi nobo bou di e nòmber
di, Mi Grupo. Meta di Mi Grupo ta pa nos sigui engrandese nos marcha di Karnaval Hubenil.
E nòmber ta papia pa su mes; Mi Grupo. Na momento ku bo ta forma parti di Mi Grupo
outomátikamente bo ta sinti bo mes parti di e totalidat i sinti bo orguyoso di ta miembro di un grupo
ku ta bisti un trahe espektakular, ta para pa inklushon, disiplina i rèspèt na tur momento.
Na kabes di Mi Grupo ta e konosido Rodney Aniseto ku tin eksperensia amplio den e karnaval, seú i
mundu di beyesa.

Mi Grupo ta presentá su trahe pa karnaval 2023 kual lo titulá:
”Theater Puppet Show”

Mi Grupo lo bai akompaña durante tur dos marcha pa e tremendo banda musikal Allure Elite
Ku esaki nos ke brinda oportunidat na tur mucha entre 5-13 aña ku ta deseá di forma parti di Mi
Grupo un chèns pa esaki, ya asina engrandese nos Marcha Hubenil. Pa inskripshon por subi nos
página di facebook kaminda ta haña e link pa inskribí, por tuma kontakto libramente via di media nan
sosial, telefòn òf whatapp +5999528-8000.
Keda pendiente pa e tremendo espektákulo di teatro den kaya nan di Kòrsou !!!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: