PROMÉ MINISTER GILMAR PISAS A BISHITA E presidente di repúblika di Sürnam

PROMÉ MINISTER GILMAR PISAS A BISHITA E

presidente di repúblika di Sürnam

 

Willemstad – Promé Minister sr. Gilmar Pisas ta na Repúblika di Sürnam en konekshon ku selebrashon di e di 47 aniversario di Indenpendensia di Repúblika di Sürnam.

E seremonia i Parada di Desfíle lo tuma lugá dia 25 di novèmber próksimo.

 

Promé Minister sr. Pisas huntu ku Minister di Enseñansa, Siensia, Kultura i Deporte sr. Sithree van Heydoorn a bishitá su Ekselensia Presidente di Repúblika di Sürnam sr. Chandrikapersad Santokhi dia 24 di novèmber 2022 na Palasio Presidensial na Sürnam.

 

Durante di e bishita aki tabata presente tambe sr. Albert Ramdin (Minister van Buitenlandse Zaken, Internationale Business en Internationale Samenwerking)  i sra. Dr. Marie Levens (Minister van Onderwijs, Wetenschap en Cultuur).

 

Promé Minister sr. Pisas a firma e Buki di Bishita promé pa despues pasa pa e despacho di su Ekselensia Presidente sr. Chandrikapersad Santokhi.

 

Den e kombersashon ku a hiba a elaborá riba e temanan ku ya a kuminsá atendé durante Promé Minister sr. Pisas su enkuentro ku su ekselensia na New York último.

Algun di e temanan aki tabata e.o. Kòrsou komo miembro asosiá di CARICOM, lo bai aselerá e proseso pa hasi negoshi entre Sürnam i Kòrsou (sektor privá, sektor tékniko, Kamara di Komersio i sektor di Agrikultura), Cargo (transporte áreo i Marítimo), Gas i Petroli, enseñansa i fortífiká e laso di koperashon entre Sürnam i Kòrsou riba diferente área.

A hasi palabrashonnan konkreto pa por kristalisá i firma e akuerdonan nesesario.

 

E bishita aki tabata unu hopi fruktífero.

Despues di e bishita a tene un entrevista ku Promé Minister sr. Pisas.

 

Su Ekselensia Presidente sr. Chandrikapersad Santokhi i su kasa Promé Dama sra. Melissa Satokhi-Seenacherry a ofresé un sena mas anochi na okashon di e 47 aniversario di Independensia di Repúblika di Sürnam na e Palasio Presidensial.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: