Pronóstiko di tempu pa Kòrsou i bisindario bálido te djamars mainta 06:00 o.l., 6 di desèmber 2022.

Wer: Tiki Nubia Temperatura: 25.5ºC Heat index: 27.3ºC Direkshon di Bientu: Nortost Velosidat di Bientu: 13 Km/h Preshon: 1009.5 hPa Rain: 0 mm Total Rain (Today): 1.9 mm Visibility: 35000 m Last updated: 05/12/2022 06:23

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 6 di desèmber 2022.
Kompilá: djaluna 5 di desèmber 2022, 05:00 o.l. (09:00 UTC).

Tempu: Parsialmente nublá i no ta antisipá áwaseru signifikante.

Temperatura máksimo lo alkansá 30ºC i temperatura mínimo 23ºC.
Solo ta sali 06:43 i ta baha 18:10 o.l.

Bientu: Prinsipalmente direkshon nortost i suak te moderá; forsa 2 te 3 (7 te 19 km/ora, 4 te 10 nudo).  De bes en kuando moderá den ráfaga; forsa 4 (20 te 30 km/ora, 11 te 16 nudo).

Situashon general: Un fluho di airu relativamente seku for di nort nortost lo sigui stroba desaroyo di nubianan signifikante riba nos region. Pa e motibu aki posibilidat pa áwaseru ta keda limitá ku un kondishon di wer generalmente seku durante gran parti di dia riba nos isla. Mas aleu, bientu lo ta por lo general for di nortost i ta pèrkurá pa temperaturanan poko mas fresku prinsipalmente durante oranan di mainta.

Kondishon di laman: Trankil te moderá ku altura di olanan entre 0.5 i 1.5 meter (2 i 5 pia).

Fenómeno spesial: Ningun.

Perspektiva te djarason mainta: Parsialmente nublá ku chèns pa algun áwaseru lokal.

Meteorólogo: Vrutaal.