Kampionato Habrí di Ahedres 2022 a finalisá eksitosamente
Kampionato Habrí di Ahedres 2022 a finalisá eksitosamente
WILLEMSTAD – Djadumingo tras di lomba a finalisá e torneo di ahedres di mas importante na Korsou. Esta e Open Championship, organisa dor di Federashon di Ahedres di Korsou (FEDAKO). E torneo a tuma lugá na e sede di skol Frater Aurelius SBO.
E anja aki Ursus van Bemmelen, a bolbe hanja su titulo di kampion, despues ku ela perdé na 2021 kontra Rurik Capella.
E di dos lugá a keda den man di Rurik Capella i e di tres a bai pa Rurik van Opstal.
Bou di kategoria di rating U1800, Gregory Capella a resulta ganadó. E mihó U1600 tabata Michell Fayad.
E aktual Kampion Hubenil, Johan van Delden a bolbe destaka komo mihó U20 mientras ku Luis Gallardo i Kennard Martinez a keda selekshoná komo mihó hungadonan sin rating.