Presentashon ofisial di un bunita Beibel pa famia i tambe inisio di un kampaña pa lesa Beibel den 2023

Presentashon ofisial di un bunita Beibel pa famia i tambe inisio di un kampaña pa lesa Beibel den 2023

 

Despues di un temporada largu di preparashon, a yega e momentu ku Kas di Beibel ta presentá un buki di historianan di Beibel ku a keda desaroyá pa tantu mayor i yu lesa huntu.

 

E buki ku tin komo título “Ban lesa Beibel huntu den 100 stap” ta skirbí spesialmente pa mucha di 8 aña bai ariba.
Pa medio di 100 stap, muchanan por lesa Beibel huntu den grupo òf den famia.

Kada stap ta konsistí di e siguiente elementonan:

• Un teksto di Beibel pa lesa huntu
• Un ilustrashon pa studia i papia di dje
• Un aktividat pa hasi algu òf pensa ariba
• Pregunta pa reflekshoná i diskutí
• Kosnan interesante den kuadro di e historianan bíbliko

 

Kada mucha tin su propio forma di siña i e forma di edukashon bíbliko di ántes kaminda adulto tin ku siña e mucha a kambia den unu di un kombersashon mas habri i franko tokante di fe.

 

E resultado a bira un buki ku un surtido grandi di material adishonal ku ta yuda mayor i yu deskubrí e berdadero nifikashon di tur e historianan ku e buki ta kontené.

 

Djaweps awor 15 di desèmber, Kas di Beibel durante di un evento ameno lo hasi e presentashon ofisial di e buki aki.

 

Tambe tin lansamentu di un kampaña pa stimulá mas tantu famia i gruponan di mucha pa lesa Beibel durante di aña 2023

 

E evento ta den kura di Kas di Beibel mes na Gaitoweg 3

Orario di e evento ta di 6or pa 8or

 

Pa mas informashon por yama mi 560-0020, of manda mensahe via app na 599-9-517-6711 òf E-mail nos na biblena@biblesocieties.org

 

 

Armin Elisa