MINISTER COOPER TA KONTRIBUÍ NA ESKPANSHON DI ‘THE PEARL OF THE CARIBBEAN’

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

MINISTER COOPER TA KONTRIBUÍ NA ESKPANSHON DI ‘THE PEARL OF THE CARIBBEAN’

PUBLIKÁ RIBA 16 DESÈMBER 2022

Willemstad – Riba djaweps 15 di desèmber, Minister Cooper huntu ku Servisio pa Planifikashon Urbano (ROP) a hasi entrega di un pèrmit di konstrukshon na “The Pearl of the Caribbean N.V.” pa ekspanshon di nan proyekto di bungalow pa fakansi den e bario di Santa Catharina. E ekspanshon lo konsistí di 6 villa i 9 bungalow. Esaki lo rekerí un invershon mínimo di 3.2 mion florin.

 

E parke di bungalow ‘The Pearl of the Caribbean’ ta eksistí for di 1990 i a bin ta krese i ekspandé atraves di añanan. A kuminsá e tempu ei ofresiendo biahenan di fakansi kompletamente reglá, atraves di agensianan di biahe.

 

Na inisio, tabata tin 16 bungalow estilo dos bou di un dak. Na 1993 a ekspandé ku 8 apartèment pa por akapará e demanda grandi. Tin hopi turista interesá den e tipo di akomodashon aki, i The Pearl tabata ofresé esaki na un preis rasonabel i di bon kalidat.

 

Mirando e éksito, e kompania awor ta ekspandé ku mas villa i bungalow. Tambe tin un masterplan ‘The Pearl’ pa futuro ku ekspanshon ku lo inkluí mas fasilidat.

 

Impreshonante ta tambe ku e empresa aki ta buskando nan rekonosementu konosí komo ‘Green Key’. Esaki ta un rekonosementu pa un negoshi ku ta operá teniendo kuenta ku su medio ambiente, manera entre otro atraves di separashon di sushi, lusnan LED, fangumentu di awa di awaseru pa re-usá, i resiklahe di awa di drenahe pa plantashon.

 

Minister Cooper ta deseá e desaroyadó éksito ku e proyekto aki.

        

Share this page to Telegram

This site uses Akismet to reduce spam. Learn how your comment data is processed.

%d bloggers like this: