RESIEN A INSTALÁ LUSNAN DI KAYA LED INTELIGENTE I E PALU DI LUSNAN NOBO DEN SNTRO DI SIUDAT KU YA OUTO TA PASA I HASI DAÑO

Aqualectra ta supliká komunidat pa paga tinu i trafiká responsabel:

RESIEN A INSTALÁ LUSNAN DI KAYA LED INTELIGENTE I E PALU DI LUSNAN NOBO DEN SNTRO DI SIUDAT KU YA OUTO TA PASA I HASI DAÑO

Willemstad- No ta poko ta e esfuerso i invershonnan ku a keda hasí pa por a instalá lusnan di kaya LED inteligente den entre otro nos sentro di siudat. A instalá lusnan LED inteligente i palu di lusnan nobo praktikamente den hinter área di Punda i Otrobanda. Lamentablemente, ya outomobilistanan ku ta kore di forma iresponsabel i a basha un palu di lus na final di Breedestraat Otrobanda yegando Brionplein. Dor di e akto di e shofùr konserní mas gastu ta bin aserka. Aqualectra ta lamentá esaki i ta hasi un apelashon na un i tur pa kore di forma responsabel pa kuida e instalashon di lusnan ront Kòrsou p’asina nos sentro di siudat ta keda bon iluminá.