DRAC ta mira bèk un 2022 eksitoso!

DRAC ta mira bèk un 2022 eksitoso!

Willemstad ‐ despues di un temporada 2022 eksitoso kaminda a tene dos kampionato lokal di drag
race, dia 26 di Novèmber último Drag Racing Association Curacao (DRAC) a sera ofisialmente e
temporada 2022 ku un tremendo entrega di premio ku e titulo“DRAC Awards 2022” na topaz party
Place.
Riba e anochi a premia e tòp 10 nan di e diferente kategorianan ku a keda koré durante e kampionato
di “DRAC Nationals” i tambe “King of the Streets” 2022.
Entre nan e titulo máksimo den e kampionato di “DRAC Nationals” 2022 den e kategoria di outo a bai
pa Riordan Zimmerman i David Tannelek. Den e kategoria di bròmer esaki a bai pa Jürgen Ravenstein.
Den e kampionato “King of the Street 2022” ku ta e kampionato ku ta konsistí solamente di
vehikulónan di kaya, e título máksimo a bai pa Dylan Neman, Kevin Beaumont, Rhaeven Martijn,
Gercival Cathlin i Shafari Abrahamz.
Direktiva di DRAC kier a yama danki na tur stakeholder ku di un òf otro manera a duna nan sosten na
e deporte den aña 2022, en speshal na fanátikonan ku a asistí masalmente na tur aktividat.
Ta bon pa partisipá ku direktiva ya ta trahando duru riba e temporada 2023. Den mesun rosea
direktiva kier enkurashá tur persona i/of instansha ku tin amor pa e deporte di drag race i ku lo ke
duna nan aporte na esaki pa tuma kontakto ku DRAC libramente via DRAC su pagina facebook of
instagram. DRAC ta deseá tur fanatiko, koredónan i pueblo di Kòrsou en general felis dianan di fiesta i
un prospero aña 2023.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: