Akuerdo di produkshon di koriente entre Blue NAP Americas ( nos Data Center) i Aqualectra

Minister Charles Cooper

• E akuerdo di produkshon di koriente entre Blue NAP Americas ( nos Data Center) i Aqualectra ta un bon ehèmpel kon kompanianan di gobièrnu por kolaborá, pa asina ambos benefisiá, pero prinsipalmente riba un manera ku komunidat en general tambe por bai dilanti;
• E ta kuadra den e vishon pa krea e asina yamá ‘Digital Hub Platform Curaçao’ òf ‘DHPC’, kaminda lokalemente partidonan ta kolaborá pa huntu ko-krea i kolaborá pa desaroyá Kòrsou den un punto importante pa desaroyo digital i patisipashon di Karibe den ekonomia digital;
• Pa medio di DHPC nos lo kombiná ekspertisio di kompanianan establesé, ku konseptonan inovativo i étika profeshonal, ku e ophetivo pa ko-krea servisionan digital nobo pa Karibe.
• Blue NAP i Aqualectra ta duna kontenido real na e kolaborashon nesesario. Ohalá e paso di awe inspirá demas partidonan pa uni na e esfuerso mayó akí i aselerá desaroyo di nos Digital Hub Platform Curaçao;
• Pa Blue NAP mes, esaki ta un paso importante den hasi e data center mas atraktivo pa kliente i partnernan, ya ku e ta bira un kompania ku tin un mínimo kontribushon na e asina yamá ‘carbon footprint’. Esaki sigur ta un bentaha ku ta atreá un gran kantidat di kompanianan ku ta duna balor haltu na konservashon di nos planeta;
• Por último, e akuerdo di produkshon di koriente aki lo añadí na e posishon kompetitivo di Blue NAP, ya ku e lo kontribuí na redukshon di e gastunan operashonal di e kompania. Esaki sigur lo tin su efekto positivo riba e posishon kompetitivo di Blue NAP.
Share this page to Telegram

This site uses Akismet to reduce spam. Learn how your comment data is processed.

%d bloggers like this: