Anunsio di tarifanan elektrisidat i awa di bebe entrante 1 di yanüari 2023

Kralendijk, 21 di dezèmber 2022 – Water- en Energiebedrijf Bonaire N.V. (WEB), ta anunsiá ku tarifanan entrante 1 yanüari 2023 a keda stipulá i publiká.

 

Tur aña e tarifanan ku e produktor mester kobra WEB i esun ku e konsumidó mester paga, ta keda stipulá i publiká dor di ACM. Riba 15 di dezèmber 2022 ACM a stipulá e tarifanan rendabel ku WEB por kobra entrante 1 di yanüari 2023 (*).

 

Pa mantené e tarifanan pagabel, WEB por pidi supsidio pa kada aña di tarifa. Despues di esaki e tarifanan pa tur konsumidó ta keda determiná, teniendo kuenta ku e supsidionan aki.

 

“Ministerie van Economische Zaken en Klimaat” (EZK) ta pone un supsidio adishonal disponibel ku por pone e tarifa di uso fiho na 0 i ku por proveé un deskuento riba e tarifa di uso variabel di elektrisidat. E deskuento aki ta 50% di e superior riba USD 0.38 pa kWh. “Ministerie van Infrastructuur & Waterstaat” (I&W) ta stipulá e supsidio usual di manera ku e tarifa di uso fiho pa awa di bebe pa konekshonnan mas usual i e tarifa pa entrega di trùk di awa por ser stipulá riba un nivel relativamente abou.

 

E kambionan relevante pa e tarifanan ta lo siguiente:

 

Tarifanan periódiko di elektrisidat

E tarifa di uso fiho ta USD 0.00 pa luna.

 

Ta apliká un deskuento di USD 0.0350 pa kWh riba e tarifa di uso variabel stipulá pa ACM 1 di yüli 2022 di USD 0.4235 pa kWh pa e lunanan di novèmber i dezèmber – Pa medio di un supsidio di Entidat Públiko Boneiru  – asina tarifa pa saldo ta bira USD 0.3903 pa kWh. ACM a stipulá e tarifa entrante 1 di yanüari 2023 na USD 0.430 pa kWh, di kua e subida ta debí prinsipalmente na oumento di preisnan di kombustibel pa produsí elektrisidat. Ku e supsidio adishonal di EZK un deskuento di USD 0.0270 pa kWh ((USD 0.4340 – USD 0.38) * 50%) ta na vigor, ku ta pone e saldo di tarifa entrante 1 di yanüari 2023 na USD 0.4070 pa kWh. Pa un kliente esaki ta nifiká un subida di USD 0.0167 pa kWh.

 

Tarifanan periódiko pa awa di bebe

Ta oumentá e tarifa di uso fiho pa e konekshonnan mas usual di USD 7.30 na USD 7.94 pa luna.

 

Ta oumentá e tarifa di uso variabel di USD 3.735 na USD 3.908 pa m3.

 

Pa klientenan ku entrega di trùk di awa ta oumentá e tarifa di USD 4.503 pa USD 4.743 pa m3.

 

Pa produkshon di awa di bebe mester di hopi elektrisidat. E subida di e tarifa di uso variabel pa awa di bebe ta mas abou ku e preisnan di kombustibel ku a oumentá. Esaki ta posibel dor di produkshon mas efisiente di awa di bebe ku e instalashon nobo.

 

Fakturashon

Ta apliká e tarifanan periódiko pa elektrisidat i awa di bebe riba fakturanan ku periodo di uso for den yanüari 2023. Pa klientenan ku Pagabon i trùk di awa e tarifanan ta dirèkt visibel for di 1 di yanüari 2023.

 

(*) Entrante 1 di yüli 2023 lo stipulá – dependiendo di desaroyonan di kombustibel – Lo determiná e tarifa variabel di elektrisidat i e tarifa di Pagabon di nobo.

 

Tarifanan di un biaha pa konekshon di elektrisidat i awa

E tarifanan di un biaha, pa konekshonnan chikitu te ku 25 meter, ta poné na USD 1.717,56 pa elektrisidat i USD 1.169,38 pa awa di bebe. Esaki ta un subida di 8,8% kompará ku 2022.

 

Por haña e tarifanan di elektrisidat i awa ku ta na vigor entrante 1 di yanüari 2023 riba www.webbonaire.com.


Tarifanan Elektrisidat entrante 1 di yanüari 2023

Tarifanan Awa di bebe entrante 1 di yanüari 2023

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: