Apenas el a kaba di sali for di e blijf-van-mijn-lijf-huis, ku Marianella Seintje, Maria, a keda asesiná den su kas

Apenas el a kaba di sali for di e blijf-van-mijn-lijf-huis, ku Marianella Seintje, Maria, a keda asesiná den su kas

María (43) apenas a regresá for di e blijf-van-mijn-lijf huis, kaminda e tabata refugiá pa motibu di maltrato i menasa ku morto pa su ex pareha, na momentu ku Pasku el a keda asesiná den su kas den Vreewijk na Rotterdam. E tabata na kas pa por a pasa e dianan di fiesta huntu ku su yunan.

Varios fuente ta bisa ku ta su propio pareha ta e agresor. E suseso a tuma lugá mientras ku su dos yunan mas chikí tabata huntu ku n’e den kas.

Gritu di e yu muhé chikí na momentu ku el a sali for di e kas, tabata kibra bo kurason.

Kontinuando ku e investigashon, agentenan polisial a hasi dos (2)  detenshon den e kaso aki.

Ambos detenido ta di Kòrsou, un hòmber (44) i un hòmber (52). Sospechoso prinsipal ta e hòmber (44). Den su kas na Jufferkade agentenan polisial i reshèrshi a enkontrá e arma di kandela ku a keda usá pa kometé e horendo krimen di asesiná Maria den presensia di dos di su yunan, 5 i 8 aña. E sospechoso prinsipal ta konosí komo ex pareha di Maria. Testigunan okular a diskribí e agresor loke a kondusí na su detenshon.

Marianella Seintje ta laga 5 yu atras, di kual 3 ta menor di edat i tabata biba huntu ku e defuntu.

Forsa na famianan. Pas na su alma.