17 di YANÜARI 2023 Charla: “E BÈRDAT DI DIETA” na Sentro di bario Souax

17 di YANÜARI 2023
Charla: “E BÈRDAT DI DIETA”
na Sentro di bario Souax

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 17 di yanüari lo tin pa loke ta 2023 e promé charla di e siklo di charla ” ALIMENTASHON RESPONSABEL”.
E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan kon alimentá nan mes di un forma balansá, sano i responsabel.

E diferente charlanan di e siklo di charla “Alimentashon Responsabel” lo ta na enkargo di DIETISTA SRA. SIEGMARA CAROLINA i e tópiko ku dietista Carolina lo trata e luna aki ta: “E BÈRDAT DI DIETA” . Entre otro lo e amplia riba: Kiko realmente ta dieta.
E diferente tiponan di dieta pa baha peso. Puntonan di atenshon pa baha peso i e importansia di moveshon i ehersisio. Entrada ta grátis i lo tin amplio oportunidat pa
hasi pregunta.

Un i tur ta keda kòrdialmente invitá pa bin skucha informashonnan interesante riba e tópiko aki.