Kuerpo Polisial Bonaire: Buskeda ta kontinuá pa Speke

Buskedá di Ludwig Cicilia mihó konosí komo Speke, ta kontinuá. E avion dash di wardakosta algun ratu pasa a hasi un buelo durante kua a saka potrèt ku ta mustra kaminda tin kalor den mondi. Ta investigando e potrètnan aki. Asina topa ku algu ku ta indiká ku tin kalor, lo tuma akshon riba tera i bai hasi buskeda mas profundo den e area ei. KPCN ta hasiendo lo máksimo pa yega na mas informashon ku lo por yuda den e buskedá aki.