Buskeda di Ludwig Cicilia (update ku potret / video)
Awe djasabra 14 di yanüari un grupo di basta hende, konsistiendo di habitante di Boneiru pero tambe di diferente organisashon uniformá manera KMar Brantwer i Duana, a inisiá e búskeda di Ludwig Cicilia ,kordiná pa KPCN. E helikòpter di Wardakosta tambe tabata presente pa asistí ku e buskedá. Di 7 or di mainta pa mas o ménos 2 or di atardi a buska ront den serkaniá di e kunuku di ‘gordo’ pero esaki sin resultado.
Polis ta keda ku debido atenshon pa e kaso i ta pidi kualkier persona ku por a mira, tin informashon òf sa paradero di Ludwig Cicilia pa tuma kontakto ku polis na 715 8000, 911 of via e liña di tep anónimo 9310.
Mirando kon será e mondi den e areá ta, un supliká urgente ta bai pa niun persona ku no ta konosí ku e areá intentá pa bai buska riba nan mes. Esaki pa prevení tur konsekuensia ku esaki por trese kuné.
Aki ta siguí un vidio i potrèt saká dor di e helikòpter di Wardakosta:
