Prinses Wilhelmina Fonds ku bestür diario nobo den 2023
Prinses Wilhelmina Fonds ku bestür diario nobo den 2023
Te 1 di januari 2023, e fundashon ku tin e meta pa kombatí kanser na Kòrsou, tabata wòrdu guiá pa e señora Frieda Geller. Sra Geller tin mas ku 20 aña ku e ta forma parti di e fundashon i a traha ku hopi amor, dedikashon i determinashon pa kumpli ku metanan di PWF. Djabièrne último, den un enkuentro ameno, trahadonan di PWF i miembronan nobo di e bestür a mustra nan apresio i gradesimentu pa sra Geller pa tur su esfuersonan hasí durante e añanan.
For di yanuari 2023, e bestür nobo lo konsistí di: Sra Ageeth Termars komo presidente, Sra Lilian van der Burg- Goeloe komo vise presidente, Sra Ronice Martis komo tesorero, Sra Grace Goede komo segundo tesorero i Sra Maruta Aniceto komo sekretaria. E bestur diario nobo, huntu ku e trahadonan di PWF i e boluntarionan lo sigui duna nan 100% pa kombatí kanser na Kòrsou i en partikular pa traha na bienestar di pashèntnan di kanser i nan famianan.
