Minister Charles Cooper Komunikado di Prensa di Minister di Finansas.

Awor ku CGA ta kai bou di mi persona pa lei i bou di minister hustisia sr Hato, via un mandato, Nos lo bai solushoná e problema nan paso a paso den e mundu di Online gaming di Korsou. E lei di LOK nobo ta den su su di tres anja den ehekushon. Nos tin apenas un par di luna komo minFin i minJust enkargá ku CGA via di e mandato. Si tabatin kosnan urgente pa tackle, e pregunta ta surgi: Ta awor numa sa ku e kosnan aki ta urgente pa tacle ?? Dikon no a tackle nan prome ??

Pero en todo kaso nos ke kuminsa ku e inbestigashon aki:

Dikon ta paga un tal M. Galeo/su empresa 8,3 mion XCG pa anja ? Esaki ta mas ku 35% di e sen ku a drenta kaha di gobiernu. Esei nos ke sa. Kiko presis M. Galeo ta hasi pa por hustifika pago na dje di e sèn aki ? Anto na Malta. Tabatin destaho publiko den e proseso aki ? Unda nos base di dato di klientenan ku tin licensia serka CGA ta ? Na Korsou ? òf na Malta ? Of na London ? Etc etc.

Den mundo di gaming ta mustra ku e sifra ei di paga un hende/empresa 8,3 mion XCG pa aña ta hopi haltu pa un kompania kobra pa duna servisio asina’ki, pero ta laga e investigashon kana su kurso i despues ta dal e siguiente stapnan basá riba e resultado di e inbestigashon.

Fin di e komunikado.