MINISTERIO PUBLIKO MAS SERKA DI BO
MINISTERIO PUBLIKO MAS SERKA DI BO
Ministerio Publiko (OM) ta keda den moveshon. Den 2023 OM ta bai move mas den direkshon die siudadano, ku tog por ta eksperensha un barera pa bai bishita OM na Tempel of Waaigat. Pa e rason aki, OM a atkeri un bus pa yega mas serka die siudadano.
Di Bandariba te Banda bou lo por mira e bus di OM riba nos kareteranan. Un kantor mobil ku ta duna servisio na komunidat di Korsou ku informashon tokante butnan habri, kobramentu, areglonan di pago, informashon ofer di mediashon, dano i perhuisio i asistensia na viktima.