INVESTIGASHON RIBA MERKADO DI SEGURIDAT I SERVISIONAN DI VIGILANSIA
MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO
INVESTIGASHON RIBA MERKADO DI SEGURIDAT I SERVISIONAN DI VIGILANSIA
PUBLIKÁ RIBA 16 YANÜARI 2023
WILLEMSTAD – Centrale Inkoop di e Ministerio di Gobernashon, Planifikashon i Servisio Públiko pronto ta kuminsá ku seshonnan konsultativo ku ta hiba e nòmber “Konsulta di merkado” di Kòrsou.
Ku e konsulta di merkado aki e departamento (CI) di gobièrnu ke haña un bista di produktonan i servisionan moderno ku merkado ta ofrese riba e área di seguridat i servisionan di vigilansia. Tambe nan ke sa ken ta esnan ku ta forma parti di e merkado aki. Kiko nan tin di ofresé na gobièrnu di Kòrsou na entorno di seguridat i vigilansia mas moderno i efektivo. Aktualmente gobièrnu ta buska suministradónan ku ta interesá na ofresé gobièrnu seguridat en general i servisionan di vigilansia durante añanan 2023 te 2025.
Gobièrnu di Kòrsou ta hasi esfuerso pa krea un ambiente di trabou sigur i ta deseá ku e konsulta aki por trese aspektonan importante dilanti. Aspektonan ku ta sostenibel den e Destaho (‘Aanbestedingen’) ku ta proponé pa realisá den e área menshoná aki. Adishonalmente e kontenido di e investigashon aki mester kumpli tambe ku e kumpramentu responsabel di gobièrnu.
Centrale Inkoop di SSO-BPD ta invitá tur interesado pa tuma parti na e konsulta di merkado aki. Mester registrá promé ku djárason 18 di yanüari 2023. Djis manda un e-mail na centrale-inkoop@gobiernu.cw ku e tópiko: ‘Aanmelding marktconsultatie veiligheid en veiligheidsdiensten bij de Overheid”
Kompañá ku
- Kopia sertifiká di Kamer van Koophandel di Kòrsou (no mas bieu ku 3 luna).
Pa mas informashon bai na: https://gobiernu.co/MarktconsultatieSSOinkoop
Partisipashon na e konsulta aki no ta mará na niun kompromiso i no ta obligá na nada.
You must log in to post a comment.