KLIENTENAN DI SDKK A RISIBÍ UN TREMENDO PLATO DI ZUS DI PLASA

MINISTERIO KONSERNÍ HUSTISIA

 

KLIENTENAN DI SDKK A RISIBÍ UN TREMENDO PLATO DI ZUS DI PLASA

PUBLIKÁ RIBA 16 YANÜARI 2023

WILLEMSTAD- Resientemente a tuma lugá un bunita gesto di parti señora Zus di Plasa Bieu i su tim na klientenan di Sentro di Detenshon i Korekshon Kòrsou. Esaki ta den kuadro di un gesto ku señora Zus a duna na tur klientenan di prizòn.

Señora Zus i su tim a kushiná 2 diferente plato, entre otro Galiña Stobá i tambe Guiambo spesial pa e klientenan di SDKK. Tur esaki komo muestro di apresio i amor na e klientenan ku ta enkarselá den prizòn. Bou di kòrdinashon di señora Zus konhuntamente ku Chèf Kòk di prizòn señor de Windt i Personal di SDKK, a hasi entrega di mas ku 500 plato.

Na e okashon akí tambe tabata tei presente Bosero di SDKK señor Pinedo i Hefe di Detenshon señor Hasselmeijer, ku na nòmber di e klientenan i Gerensia di SDKK a yama señora Zus di Plasa Bieu i su tim masha danki p’e bunita gesto hasí na prizòn.

Share this page to Telegram

This site uses Akismet to reduce spam. Learn how your comment data is processed.

%d bloggers like this: