Korps Politie Caribisch Nederland: Aksidente entre un skuter i un outo

Awe, djaluna 16 di yanüari, un aksidente entre un skuter i un outo a tuma lugá na e krusuda di Bulevar Miguel Pourier i Kaya Papaya, na altura di e bushalte. E outo tabata kore den direkshon pa Playa riba Bulevar Miguel Pourier i e skuter tabata bini for di Kaya Papaya. E shofùr di e skuter no a mira e outu i a kore dal den banda di pasahero di e outu. E shofùr di e skuter a keda heridá. Ambulans a transporta shofùr di e skuter pa hòspital pa tratamentu médiko.