Trabou pa Kòrsou ta elogiá trabou di lider desplegá den 2022. E la demonstrá liderasgo. Tin 8 logro ku a resaltá i asta a sakudá i influenshá den Reino Hulandes

Trabou pa Kòrsou ta elogiá trabou di lider desplegá den 2022. E la demonstrá liderasgo.

Tin 8 logro ku a resaltá i asta a sakudá i influenshá den Reino Hulandes

 

Trabou pa Kòrsou TPK ta elogiá nan lider polítiko Sr.Rennox Calmes pa su trabounan desplegá den 2022. Trabou pa Kòrsou ta mira un 2022 eksitoso tras di lomba pa e partido kaminda na diferente okashon a demonstrá kiko ta LIDERASGO. E éksito aki ta danki na e lider, pero tambe otro gobernanteman orgániko ku a bini ta profilá públikamente.

 

Tin 8 punto ku pa e partido Trabou pa Kòrsou i su siguidonan a resaltá den 2022:

 

Punto number 1, ta e echo ku TPK a sòru pa parlamento di Kòrsou aloká fondo pa kuminsa tradusíi nos leinan na papiamentu. Kuminsando ku e promé lei ku a wòrdu introdusí den 2023.

 

Punto number 2, igualdat di idioma den Reino kaminda ku awor ofisialmente a wòrdu ankrá den lista di palabrashon di IPKO ku por papia papiamentu durante di IPKO hasiendo uso di un traduktor.

 

Punto number 3, karta di pregunta ku a wòrdu mandá pa sekretario di Estado i a risibí kontesta riba esaki den kual ta klarifiká ku pais Kòrsou ta liber pa sali for di Reino na momentu ku Kòrsou haña ta bon.

 

Punto number 4, ku e karta di kontesta di sekretario di estado a wòrdu uzá den reunion di Tweede Kamer na momentu ku tabata atendé prosupuesto pa BES.

 

Punto number 5, a bini ku e idea pa yama un reunion públiko riba COHO entre e 3 paisnan pa fiha un posishon via un moshon, kontrali na loke semper tabata e kustumber ku ta reunion di komishon sentral so tin pa hasi pregunta.

 

Punto number 6, despues di sentensia den korte kaminda ” Pro Sualiga” a hasi un kaso kontra gobiènu Hulandes, TPK ta e uniko partido ku a kue e punto aki i hasi kaso di dje i a asta pidi reunion públiko riba e tópiko di dekolonisashon i a intensiváe diskushonnan rondó di sklabitut.

 

Punto number 7, e uniko partido di Kòrsou ku a firma karta tokante dekolonisashon huntu ku parlamento di St. Maarten i manda esaki pa Nashonnan Uní.

Punto number 8, desèmber último durante tratamentu di prosupuesto 2023, ta e parlamentario ku apesar di 1 asiento a logra pasa mas tantu moshon (5) na nòmber di pueblo. Ta trata di moshonnan den kuadro di:

1: Formulashon di un maneho pa baha gastu di kuminda, awa i koriente konforme konseho di SER;

2: Un plan pa re-usá, resiklá i kombertí shushi den energia;

3: Investigashon relashoná ku ‘brain-drain’ i su impakto riba Kòrsou;

4: Simplifikashon di e sistema di impuesto i komunikashon mas transparente pa ku esaki;

5: Promové i krea posibilidat pa ‘entrepreneurship’

 

Pa 2023 Trabou pa Kòrsou ta bai sigui traha di forma orgániko pa pueblo di Kòrsou.

 

Presidente di Trabou Pa Kòrsou TPK, sr. Mickel Martis na 511-7936

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: